2019-imi aningaasaqarneq 1,7 pct.-imik qaffariarpoq
2019-imi Kalaallit Nunaata aningaasaqarnera 1,7 pct.-imik pitsanngoriarpoq. Piffissami 2010-miit 2018 ilanngullugu agguaqatigiissillugu BNP ukiumut 1,1 pct.-imik qaffariartarsimavoq, taamaattorli ataani titartakkami takuneqarsinnaasutut ukiumiit ukiumut nikerarnerit annertusarsimallutik.
Titartagaq 1. Tunisassiornerup nalinga (BNP), akit qaffakkiartornerat peerlugu
Atuineq ineriartortitsisoq
2019-imi aningaasaqarnerup ineriartornera nunatsinni atuinermik annerusumik pissuteqarpoq, annermik pisortat atuinerat aammalu aningaasaliinerit qaffassimammata. Aamma inuinnaat atuinerat annertuseriarsimavoq, kisiannili pisortat atuinerannit qaffariarneq annikinnerusimalluni. Tamanna takuuk saqqummersitami kapitali 2-mi.
Takussutissiami 1-imi takuneqarsinnaavoq BNP akini ingerlaavartuni aammalu BNP akiusimasunit kisitat akit qaffakkiartornerat peereerlugu ineriartornerat. BNP akiusimasunit kisitat inummut ataatsimut naatsorsornerani 2019-imi 277,2 tkr.-inngorsimavoq 2018-imi 273,2 tkr.-iusimasoq. Taamaalilluni 1,5 pct.-imik annertuseriarsimavoq.
Takussutissiaq 1. BNP aamma BNP innuttaasunut agguarlugu
|
2010 |
2011 |
2012 |
2013 |
2014 |
2015 |
2016 |
2017 |
2018* |
2019* |
|
Akit ingerlaavartut |
|||||||||
BNP, mio. kr. ................... |
14.078 |
14.412 |
15.116 |
15.080 |
15.951 |
16.814 |
18.224 |
18.829 |
19.199 |
19.890 |
Innuttaasunut agguarlugu, 1.000 kr. . |
249,4 |
254,6 |
266,4 |
267,5 |
283,4 |
298,7 |
326,3 |
337,1 |
343,6 |
355,2 |
Naleqqersuut, 2010=100 ......... |
100,0 |
102,4 |
107,4 |
107,1 |
113,3 |
119,4 |
129,4 |
133,7 |
136,4 |
141,3 |
Ukiumut BNP-ip ineriartornera ...... |
3,8 |
2,4 |
4,9 |
-0,2 |
5,8 |
5,4 |
8,4 |
3,3 |
2,0 |
3,6 |
|
2010-mi akit, akiusimasunit kisitat |
|||||||||
BNP, mio. kr. ................... |
14.078 |
14.008 |
14.203 |
14.019 |
14.684 |
14.312 |
14.983 |
14.990 |
15.267 |
15.523 |
Innuttaasunut agguarlugu, 1.000 kr. . |
249,4 |
247,4 |
250,3 |
248,7 |
260,9 |
254,3 |
268,3 |
268,4 |
273,2 |
277,2 |
Naleqqersuut, 2010=100 ......... |
100,0 |
99,5 |
100,9 |
99,6 |
104,3 |
101,7 |
106,4 |
106,5 |
108,4 |
110,3 |
Ukiumut BNP-ip ineriartornera ...... |
1,7 |
-0,5 |
1,4 |
-1,3 |
4,7 |
-2,5 |
4,7 |
0,1 |
1,8 |
1,7 |
Nuna tamakkerlugu naatsorsuutit FN-ip nunanut tamalaanut naatsorsueriaasissatut najoqqutassiai malillugit naatsorsugaapput, tamatumalu ajornarunnaarsippaa Kalaallit Nunaata aningaasaqarnerata nunanut allanut najoqqutassianik malinnittunut sanilliunneqarsinnaanera. Titartakkami ataaniittumi Kalaallit Nunaanni aningaasaqarnerup ineriartornera nunanut toqqakkanut arlalinnut, nunallu OECD-mut ilaasut agguaqatigiissillugu ukiumut ineriartornerannut sanilliunneqarpoq.
Titartakkami erserpoq Kalaallit Nunaata aningaasarsiornikkut ineriartornera 2019-mi OECD-mi nunanut sanilliullugu qaffasinneralaarsimasoq. Taamaattorli 2015-miit 2019 ilanngullugu agguaqatigiissillugu naatsorsuinermi paasinarsivoq Kalaallit Nunaanni qaffariaat annikinnerpaasoq nunanut pineqartunut sanilliullugu.
Titartagaq 2. Kalaallit Nunaanni nunanilu allani BNP-p ineriartornera 2015-2019
Najoqqutaq: OECD.org |
Nuna tamakkerlugu naatsorsuutit naalisarlugu
Nuna tamakkerlugu naatsorsuutit tunisassiornermit aallaavillit inuiaqatigiit aningaasaqarnerata ineriartorneranik ersersitsisarput. Naatsorsukkat takutittarpaat inuutissarsiutit inoqutigiillu aningaasaqarnerat, minnerunngitsumillu avammut niueqateqarnerup ingerlarnga. Taamaasilluni nioqqutit kiffartuussinerillu pilersiortorneqartut atorneqartullu naatsorsuusiatigut takussutissartaqalersarput. Saqqummersitaq manna, Naatsorsueqqissaartarfiup saqqummersitaani nuna tamakkerlugu naatsorsuutini ukiunik arlalinnik tunngaveqartuni, qulissarivaat.
Nuna tamakkerlugu naatsorsuutit 2017-moortut naatsorsoqqissaarneqarsimalerput, taamaasillutillu inaarutaasumik saqqummiunneqarsinnaanngorlutik. Naatsorsueqqissaarinerit nutaat BNP allannguuteqartippaat. Nuna tamakkerlugu naatsorsuutit inaarutaasut naatsorsoqqissaarnerisa 2018-imut aamma 2019-imut BNP-mik missingersuusiortoqarsinnaalersippaat.